ایبوریجنل ریزرو (Aboriginal reserves)

اباؤرجنل لوگوں اور آبادکاروں کے درمیان زمین پر ابتدائی لڑائیوں کے بعد اباؤرجنل اقوام کو معاشرے کے کناروں پر رہنے پر مجبور کیا گیا۔ کچھ آؤٹ بیک کے بھیڑ اور مویشی فارموں پر بہت کم اجرت پر کام کرتے تھے، جو بہت سے معاملات میں کبھی ادا ہی نہ کی گئی۔ نوآبادیاتی حکومتوں نے ریزرو (reserves) قائم کیے جہاں اباؤرجنل لوگ رہ سکتے تھے، لیکن ان علاقوں میں وہ اپنی روایتی زندگی نہیں گزار سکتے تھے۔ مثال کے طور پر، وہ اپنی مرضی سے شکار اور خوراک جمع کرنے کے لیے آزاد نہیں تھے۔

1800 کی دہائی کے آخر میں نوآبادیاتی حکومتوں نے اباؤرجنل اور ٹورس اسٹریٹ آئی لینڈر اقوام (Aboriginal and Torres Strait Islander peoples) کے حقوق چھین لیے۔ وہ کنٹرول کرتی تھیں کہ اباؤرجنل اور ٹورس اسٹریٹ آئی لینڈر لوگ کہاں رہ سکتے ہیں اور کس سے شادی کر سکتے ہیں۔ انہوں نے بہت سے اباؤرجنل اور ٹورس اسٹریٹ آئی لینڈر بچوں کو ان کے والدین سے چھین کر ‘سفید فام’ خاندانوں یا سرکاری یتیم خانوں میں بھیج دیا۔ ایسی پالیسیاں 20ویں صدی کے وسط تک جاری رہیں۔ ان ‘چھینی گئی نسلوں’ (stolen generations) کا مسئلہ آج بھی بہت سے اباؤرجنل اور ٹورس اسٹریٹ آئی لینڈر لوگوں اور دیگر آسٹریلوی باشندوں کے لیے گہرے دکھ کا سبب ہے، اور 2008 میں آسٹریلوی پارلیمنٹ میں اس پر قومی معافی مانگی گئی۔