Eddie Mabo (1936–92)

Si Eddie Koiki Mabo ay isang aktibista at tagapagsalita sa karapatan sa lupa ng mga Katutubo. Isinilang siya sa Murray Island, sa tradisyonal na lupain ng mga Meriam na tao ng Torres Strait.

Mula sa murang edad, itinuro sa kanya nang eksakto kung aling mga puno at bato ang nagmamarka sa mga hangganan ng lupain ng kanyang pamilya.

Makalipas lamang ang maraming taon nalaman ni Eddie na ang kanyang tinubuang lupa ay itinuturing na Crown land sa ilalim ng batas ng Australia at hindi pag-aari ng kanyang pamilya. Ginawa niyang aksiyon ang kanyang galit at dinala ang kanyang kaso sa hukuman sa ngalan ng mga tao ng Murray Island.

Noong 1992, pagkatapos ng maraming taon, napanalunan ang kaso ni Eddie sa High Court. Ipinasiya ng Mabo decision na kung mapapatunayan ng mga Aboriginal na tao na may makasaysayan at nagpapatuloy silang tradisyonal na ugnayan sa kanilang lupa, maaari nilang angkinin ang pagmamay-ari ng lupang iyon kung ito ay walang ibang nag-aangkin. Ang desisyong ito ay nagbunga ng pagbabalik ng malalawak na lupain sa kanilang orihinal na may-ari.

Naaalala si Eddie Mabo dahil sa kanyang tapang at sa pagkamit ng karapatan sa lupa para sa Aboriginal and Torres Strait Islander peoples.