Ang Pambansang Paghingi ng Paumanhin sa mga Stolen Generations (2008)
WALA SA PAGSUSULIT Sulit basahin ang bahaging ito, pero hindi ito kailanman itinatanong sa citizenship test.
Noong 13 February 2008, ang Punong Ministro ng Australia ay naghayag ng pambansang paghingi ng tawad sa Stolen Generations sa Australian Parliament, na nagsasalita sa ngalan ng lahat ng Australyano. Humingi ng tawad ang Punong Ministro para sa paraan ng pagtrato sa Aboriginal and Torres Strait Islander peoples noong nakaraan, at lalo na para sa paraan ng pagkuha ng mga batang Aboriginal and Torres Strait Islander mula sa kanilang mga magulang.
Ang talumpati ay ipinalabas sa telebisyon at mga istasyon ng radyo. Libu-libong Australyano ang nagtipon sa mga pampublikong lugar at sa kanilang mga pinagtatrabahuhan upang pakinggan ang talumpating 'Sorry'. Opisyal na inilista at hiningan ng tawad ng talumpati ang mga nakaraang kawalang-katarungan. Isa itong mahalagang hakbang tungo sa paghilom ng Aboriginal and Torres Strait Islander peoples at upang matiyak na hindi na muling mangyayari ang mga kawalang-katarungang ito. Ang talumpating 'Sorry' ay isang mahalagang hakbang pasulong para sa lahat ng Australyano.
Ngayon, ang napakahalagang ambag ng Aboriginal and Torres Strait Islander peoples sa pagkakakilanlang Australyano ay malawakang kinikilala at ipinagdiriwang. Maraming Aboriginal and Torres Strait Islander peoples ang may mga nangungunang posisyon sa buong lipunang Australyano, kabilang na sa sistema ng hustisya, pulitika, sining at palakasan.
Mula sa Australian Citizenship: Our Common Bond, ang opisyal na booklet