Ang mga squatter at ang mga magsasaka
WALA SA PAGSUSULIT Sulit basahin ang bahaging ito, pero hindi ito kailanman itinatanong sa citizenship test.
Noong unang mga araw ng mga kolonya, ang mga taong tinatawag na ‘squatter’ ay kumuha ng malalawak na lupain upang sakahan. Bagaman hindi nila binayaran ang lupaing ito, itinuring ito ng mga squatter na kanila. Pagkatapos ng mga unang gold rush, nahirapan ang pamahalaan na bawiin ang lupaing ito mula sa mga squatter.
Noong dekada 1860, nais ng pamahalaan na ipagbili ang lupain ng mga squatter sa mga manggagawa at kanilang pamilya upang sakahan. Ngunit sinubukan ng mga squatter na panatilihin ang pinakamaraming lupain para sa kanilang sarili.
Hanggang sa maitayo ang mga riles, humarap sa mahirap na kalagayan ang mga bagong magsasaka na malayo sa mga pamilihan ang sakahan. Dahil sa pagkakataong kumita ng mataas na sahod sa mga lungsod, naging hindi kaakit-akit ang buhay sa lupain at ang pagtatrabaho nang may maliit na kabayaran.
Ang tradisyon ng Australia sa pag-imbento ng makinarya upang gawing mas madali ang pagsasaka ay nagsimula sa South Australia. Halimbawa, ang stump-jump plough (dekada 1870) ay nagpahintulot na madaling malinis ang magaspang na lupain para sa pagtatanim.
Mula sa Australian Citizenship: Our Common Bond, ang opisyal na booklet