Ang 1901 Immigration Restrictions Act

Naging batas ang patakarang ‘White Australia’ nang maipasa ang Immigration Restrictions Act noong Disyembre 1901. Nilimitahan nito ang mga imigrante sa pagtatrabaho sa Australia at hinigpitan ang imigrasyon ng mga taong ‘hindi puti’.

Ang mga taong may pinagmulang hindi Europeo ay kinailangang sumailalim sa isang pagsusulit sa diktasyon ng 50 salita sa isang wikang Europeo. Ang mga miyembro ng Chinese Chamber of Commerce, ang abogadong si William Ah Ket at mga tanyag na negosyanteng Tsino ay nagprotesta nang hayagan, ngunit hindi ito nagtagumpay sa pagbabago ng batas na ito.

Kilala ang mga migrante mula Europa sa bagong-pederasyong Australia. Gayunpaman, ang mga ambag sa kultura ng mga Tsino, Indian, Pacific Islander at mga tao mula sa Gitnang Silangan ay bahagi na ng panlipunang pagkakakilanlan ng Australia.

Dorothea Mackellar (1885–1968)

Si Dorothea Mackellar ay isang makatang pinakakilala sa kanyang tulang My Country, na unang inilathala noong 1908, na nagpaalala magpakailanman sa linyang ‘I love a sunburnt country’. Ang kanyang tula ay itinuturing na tunay na tulang-bush, na hango sa kanyang karanasan sa mga sakahan ng kanyang mga kapatid na lalaki malapit sa Gunnedah, Hilagang-Kanlurang New South Wales.

Noong 1968, hinirang si Dorothea bilang Officer of the Order of the British Empire dahil sa kanyang ambag sa panitikan ng Australia.