Mga naninirahan at mga pioneer

Kahit na may magandang lupain ang mga settler, mahirap pa rin ang buhay. Pagkatapos ng mga panahon ng baha o tagtuyot, maaaring mawala ang kabuhayan ng mga settler at kadalasang kailangang magsimulang muli ng mga magsasaka. Gayunpaman, bumangon ang mga tao at nagpatuloy sa laban. Ang katawagang ‘Aussie battler’ ay kumakatawan sa diwa ng pakikipaglaban at katatagan ng mga Australiano. Pinararangalan ang mga pioneer dahil sa kanilang tapang sa mahihirap na panahong ito. Kadalasan ay kinailangan ng mga kababaihan na ipagpatuloy ang negosyo o sakahan kapag wala ang mga lalaki o kapag namatay na sila.

Sa mahihirap na unang taong ito nagsimula ang diwa ng mateship ng Australia. Malakas ito sa mga lalaking naglalakbay sa outback, naggugupit ng lana at nagpapastol ng hayop. Nagtutulungan din ang mga settler sa panahon ng kahirapan. Ang tradisyong ito ay malaking bahagi pa rin ng buhay sa Australia.