Mga Aboriginal reserve

Pagkatapos ng mga unang labanan tungkol sa lupa sa pagitan ng mga Aboriginal at ng mga settler, pinilit ang mga Aboriginal na mamamayan na manirahan sa gilid ng lipunan. Ang ilan ay nagtrabaho sa mga taniman ng tupa at baka sa outback sa napakababang sahod, na sa maraming pagkakataon ay hindi naman binayaran. Nagtatag ang mga kolonyal na pamahalaan ng mga reserba kung saan maaaring manirahan ang mga Aboriginal, ngunit hindi sila pinahintulutan ng mga lugar na ito na mamuhay ayon sa kanilang tradisyon. Halimbawa, hindi sila malayang mangaso at mamitas ayon sa kanilang nais.

Noong huling bahagi ng 1800s, inalis ng mga kolonyal na pamahalaan ang mga karapatan ng Aboriginal and Torres Strait Islander peoples. Kinontrol nila kung saan maaaring manirahan ang mga Aboriginal at Torres Strait Islander at kung sino ang maaari nilang pakasalan. Marami silang kinuhang mga batang Aboriginal at Torres Strait Islander mula sa kanilang mga magulang, at ipinadala sila sa mga pamilyang ‘puti’ o sa mga ampunan ng pamahalaan. Nagpatuloy ang gayong mga patakaran hanggang sa kalagitnaan ng ika-20 siglo. Ang usapin ng ‘stolen generations’ na ito ay nananatiling dahilan ng malalim na kalungkutan para sa maraming Aboriginal and Torres Strait Islander peoples, at para sa ibang Australiano, at naging paksa ng isang pambansang paghingi ng tawad sa Parlamento ng Australia noong 2008.