Australian of the Year
WALA SA PAGSUSULIT Sulit basahin ang bahaging ito, pero hindi ito kailanman itinatanong sa citizenship test.
Mula noong 1960, ipinagdiriwang ng Australian of the Year Awards ang tagumpay at ambag ng mga nangungunang Australyano. Sinuman ay maaaring magnomina ng isang Australyano mula sa anumang antas ng buhay para sa parangal.
Ang mga Australian of the Year ay mga taong nagpakahusay sa kanilang trabaho at naglingkod sa bansa. Binibigyang-inspirasyon at hinahamon nila tayo na mag-ambag sa paglikha ng mas mabuting Australia.
Kabilang sa mga parangal ang Young Australian of the Year, Senior Australian of the Year at Australia's Local Hero.
Ang listahan ng kasalukuyan at dating mga tumanggap ay makikita sa www.australianoftheyear.org.au.
Dr James Muecke AM
Siruhano ng mata at tagapanguna sa pag-iwas sa pagkabulag 2020 Australian of the Year
Si Dr Muecke ay isa sa mga nagtatag ng Sight For All, isang kawanggawang naglalayong sugpuin ang pagkabulag sa pamamagitan ng pananaliksik, edukasyon, imprastruktura at pagsasanay ng mga kasamahan sa mga kasosyong bansa.
Naniniwala si Dr Muecke na ang pagkabulag ay isang isyu ng karapatang pantao at kasalukuyan siyang gumagawa upang lumikha ng mundo kung saan lahat ay nakakakita.
Propesor Michelle Simmons (isinilang noong 1967)
Propesor sa quantum physics 2018 Australian of the Year
Si Propesor Simmons ay isang tagapanguna sa atomic electronics at quantum computing. Nasa unahan ng tinatawag niyang “karera sa kalawakan ng panahon ng pagkokompyuter”, layunin ni Propesor Simmons na bumuo ng isang quantum computer na kayang lutasin sa loob ng ilang minuto ang mga suliraning kung hindi ay aabutin ng libu-libong taon. Ang ganitong pagtuklas ay may potensyal na magpabago sa disenyo ng gamot, paghula sa panahon, mga sasakyang nagmamaneho nang mag-isa, artificial intelligence at iba pa.
Noong 2018, hinirang si Propesor Simmons bilang Australian of the Year dahil sa kanyang gawain at dedikasyon sa quantum information science. Noong 2019, itinalaga siya bilang Officer of the Order of Australia bilang pagkilala sa kanyang “natatanging paglilingkod sa edukasyong pang-agham bilang lider sa quantum at atomic electronics at bilang huwaran”.
Mula sa Australian Citizenship: Our Common Bond, ang opisyal na booklet