1901 குடிவரவு கட்டுப்பாட்டுச் சட்டம் (the 1901 Immigration Restrictions Act)

1901 டிசம்பரில் குடியேற்றக் கட்டுப்பாட்டுச் சட்டம் (Immigration Restrictions Act) நிறைவேற்றப்பட்டபோது 'வெள்ளை ஆஸ்திரேலியா' ('White Australia') கொள்கை சட்டமானது. அது குடியேறியவர்கள் ஆஸ்திரேலியாவில் வேலை செய்வதைக் கட்டுப்படுத்தியது, மேலும் 'வெள்ளையர் அல்லாத' மக்களின் குடியேற்றத்தையும் கட்டுப்படுத்தியது.

ஐரோப்பியப் பின்னணி இல்லாதவர்கள் ஒரு ஐரோப்பிய மொழியில் 50 சொற்கள் கொண்ட ஒரு சொல்வதெழுதும் தேர்வை (dictation test) எழுத வேண்டியிருந்தது. சீன வர்த்தக சபையின் உறுப்பினர்களும், வழக்குரைஞர் வில்லியம் ஆ கெட் (William Ah Ket) மற்றும் முன்னணி சீன வணிகர்களும் பகிரங்கமாக எதிர்ப்புத் தெரிவித்தனர், ஆனால் இந்தச் சட்டத்தை மாற்றுவதில் அது வெற்றி பெறவில்லை.

புதிதாகக் கூட்டாட்சியாக மாறிய ஆஸ்திரேலியாவில் ஐரோப்பாவிலிருந்து வந்த குடியேறிகள் முக்கியத்துவம் பெற்றிருந்தனர். இருப்பினும், சீனர்கள், இந்தியர்கள், பசிபிக் தீவினர் மற்றும் மத்திய கிழக்கு மக்களின் கலாச்சாரப் பங்களிப்புகள் ஏற்கெனவே ஆஸ்திரேலியாவின் சமூக அடையாளத்தின் ஒரு பகுதியாக இருந்தன.

டோரதியா மெக்கெல்லர் (Dorothea Mackellar, 1885–1968)

டோரதியா மெக்கெல்லர் ஒரு கவிஞர்; 1908 இல் முதன்முதலில் வெளியான அவரது 'My Country' என்ற கவிதைக்காக மிகவும் அறியப்படுகிறார், அது 'I love a sunburnt country' என்ற வரியை நிலைபெறச் செய்தது. வடமேற்கு நியூ சவுத் வேல்ஸில் கன்னெடா (Gunnedah) அருகே அவரது சகோதரர்களின் பண்ணைகளில் பெற்ற அனுபவத்தால் ஈர்க்கப்பட்ட அவரது கவிதைகள் தலைசிறந்த புதர்நிலக் கவிதைகளாகக் (bush poetry) கருதப்படுகின்றன.

1968 இல், ஆஸ்திரேலிய இலக்கியத்திற்கு அளித்த பங்களிப்புக்காக டோரதியா பிரிட்டிஷ் பேரரசு விருதின் அதிகாரியாக (Officer of the Order of the British Empire) நியமிக்கப்பட்டார்.