சர்வதேச உதவியும் மனிதாபிமான முயற்சிகளும்

ஆஸ்திரேலிய அரசாங்கத்தின் சர்வதேச உதவித் திட்டம், வளரும் நாடுகள் வறுமையைக் குறைத்து நிலையான வளர்ச்சியை அடைய ஆதரவு அளிக்கிறது. மக்களுக்கும் அரசாங்கங்களுக்கும் உதவுவதன் மூலம் இந்த ஆதரவு இப்பகுதியிலும் உலகம் முழுவதும் வழங்கப்படுகிறது.

நமது நாட்டிலோ வெளிநாட்டிலோ பேரிடர்கள் நிகழும்போது ஆஸ்திரேலியர்கள் மிகப் பெரிய தாராள மனப்பான்மையைக் காட்டுகிறார்கள். தொடர்ந்து துன்பம் அனுபவிக்கும் நாடுகளுக்கும் தனிநபர் நன்கொடைகள் மற்றும் ஆஸ்திரேலியாவின் உதவித் திட்டம் வழியாக நாம் தவறாமல் நன்கொடை அளிக்கிறோம்.

2018-இல், தாய்லாந்தில் வெள்ளத்தில் மூழ்கிய குகைத் தொகுதியிலிருந்து 12 இளைஞர்களையும் அவர்களது கால்பந்துப் பயிற்சியாளரையும் மீட்பதில் ஆற்றிய முயற்சிகளுக்காக, டாக்டர் ரிச்சர்ட் ஹாரிஸ் மற்றும் டாக்டர் கிரெய்க் சாலென் ஆகியோருக்கு இரண்டாவது உயர்ந்த ஆஸ்திரேலிய வீர விருதான ஸ்டார் ஆஃப் கரேஜ் (Star of Courage) மற்றும் ஆஸ்திரேலியப் பட்டத்தின் பதக்கம் (Medal of the Order of Australia, OAM) வழங்கப்பட்டன.