बसोबास गर्नेहरू र अग्रगामीहरू

बसोबास गर्नेहरूसँग राम्रो जमिन हुँदा पनि जीवन कठिन नै थियो। बाढी वा खडेरीपछि बसोबास गर्नेहरूले आफ्नो जीविका गुमाउन सक्थे र किसानहरूले प्रायः सुरुदेखि नै फेरि थाल्नुपर्थ्यो। तर पनि मानिसहरू उठे र संघर्ष गरिरहे। 'अजी ब्याट्लर' (Aussie battler) भन्ने शब्दले अस्ट्रेलियाली लडाकु भावना र सहनशीलतालाई जनाउँछ। यी कठिन समयमा देखाएको साहसका लागि अग्रगामीहरू (pioneers) सम्मानित छन्। पुरुषहरू टाढा हुँदा वा मृत्यु भइसकेको अवस्थामा महिलाहरूले नै प्रायः व्यापार वा खेती चलाइराख्नुपर्थ्यो।

यिनै कठोर सुरुका वर्षहरूमा नै अस्ट्रेलियाको मेटशिप (mateship) को भावना सुरु भयो। आउटब्याक हुँदै यात्रा गर्ने, भेडाको ऊन काट्ने र गाईवस्तु हाँक्ने पुरुषहरूमा यो भावना बलियो थियो। कठिन समयमा बसोबास गर्नेहरूले पनि एकअर्कालाई सहयोग गर्थे। यो परम्परा आज पनि अस्ट्रेलियाली जीवनको ठूलो हिस्सा हो।