آبادکار اور پیش رو
امتحان میں شامل نہیں یہ حصہ پڑھنے کے قابل ہے، مگر شہریت کا امتحان اس کے بارے میں کبھی نہیں پوچھتا۔
جب آبادکاروں کو اچھی زمین بھی مل جاتی، تب بھی زندگی سخت تھی۔ سیلاب یا خشک سالی کے بعد آبادکار اپنا ذریعۂ معاش کھو سکتے تھے اور کسانوں کو اکثر دوبارہ شروع سے آغاز کرنا پڑتا تھا۔ تاہم لوگ خود کو سنبھالتے اور مقابلہ کرتے رہتے تھے۔ اصطلاح ‘Aussie battler’ آسٹریلوی جہدوجہد کے جذبے اور ثابت قدمی کی نمائندگی کرتی ہے۔ ان مشکل وقتوں میں ان کی ہمت کے لیے پیش رَوؤں (pioneers) کو عزت دی جاتی ہے۔ جب مرد باہر ہوتے یا فوت ہو چکے ہوتے تو اکثر عورتوں کو کاروبار یا کھیت چلانا پڑتا تھا۔
انہی سخت ابتدائی برسوں میں آسٹریلیا کے میٹ شپ (mateship) یعنی رفاقت کے جذبے کا آغاز ہوا۔ یہ ان مردوں میں مضبوط تھا جو آؤٹ بیک (outback) میں بھیڑوں کی اُون کاٹتے اور مویشی ہانکتے ہوئے سفر کرتے تھے۔ آبادکار بھی مشکل وقت میں ایک دوسرے کی مدد کرتے تھے۔ یہ روایت آج بھی آسٹریلوی زندگی کا اہم حصہ ہے۔
سرکاری کتابچے Australian Citizenship: Our Common Bond سے