Ang Dreaming

Ang Dreaming ay isang terminong kanluranin na madalas gamitin upang ilarawan ang sistema ng kaalaman, pananampalataya at gawain na gumagabay sa buhay ng mga Aboriginal.

Ang mga kuwento ng Dreaming ay isinasalaysay sa mga bata ng kanilang mga magulang at matatanda. Itinuturo ng mga kuwentong ito sa mga bata kung paano nahubog at natirahan ang kanilang lupain. Nagbibigay din ang mga kuwento ng mahahalagang praktikal na aral sa mga bata, tulad ng kung saan makakahanap ng pagkain sa bush.

Ang mga kuwento ng Dreaming ay isinasalaysay sa pamamagitan ng musika, awit at sayaw. Kapag umaawit at sumasayaw ang Aboriginal and Torres Strait Islander peoples, nararamdaman nila ang napakalalim na ugnayan sa kanilang mga ninuno.

Ang orihinal na mga anyo ng katutubong sining ay mga inukit o pinintahan sa bato at mga disenyo sa lupa. Ang mga taga-Central Australia ay karaniwang lumilikha ng mga biswal na sining gamit ang mga tuldok, bilog at tiyak na mga simbolong pangkultura upang katawanin ang lupain o mga kuwento mula sa Dreaming, samantalang ang mga nasa hilagang bahagi ng Australia ay nagpinta ng mga anyo ng tao, hayop, simbolo at espiritu.

Mahalaga pa rin ang Dreaming sa mga Aboriginal ngayon.