Tulong pandaigdig at mga makataong pagsisikap

Ang programa ng internasyonal na tulong ng Pamahalaan ng Australia ay sumusuporta sa mga umuunlad na bansa upang mabawasan ang kahirapan at makamit ang napapanatiling pag-unlad. Ibinibigay ang suportang ito sa rehiyon at sa buong mundo sa pamamagitan ng pagtulong sa mga tao at pamahalaan.

Nagpapakita ang mga Australyano ng napakalaking kabutihang-loob kapag may sakuna sa ating bansa o sa ibayong dagat. Nagbibigay din tayo ng regular na donasyon sa mga bansang dumaranas ng patuloy na paghihirap sa pamamagitan ng personal na donasyon at ng programa ng tulong ng Australia.

Noong 2018, sina Dr Richard Harris at Dr Craig Challen ay ginawaran ng pangalawang pinakamataas na parangal sa katapangan ng Australia, ang Star of Courage, kasama ang Medal of the Order of Australia (OAM), dahil sa kanilang pagsisikap sa pagsagip sa 12 kabataan at sa kanilang coach sa soccer mula sa binahang sistema ng kuweba sa Thailand.