நிலம்

உலகின் மிகப் பழமையான நிலப்பரப்புகளில் ஆஸ்திரேலியாவும் ஒன்று. இது உலகின் ஆறாவது பெரிய நாடு, மேலும் மிகப்பெரிய தீவு நாடு. மனிதர்கள் வாழும் நிலப்பரப்புகளில் மிகவும் தட்டையானதும் மிகவும் வறண்டதும் இதுவே. ஆஸ்திரேலியாவின் பெரும்பகுதியில் மோசமான மண்ணும் குறைந்த மழைப்பொழிவும் உள்ளன; இதனால் விவசாயம் செய்வது கடினம். வறண்ட உள்நாட்டுப் பகுதிகள் 'the outback' என அழைக்கப்படுகின்றன; அவை குறிப்பாக தொலைதூரமான, கடுமையான சூழல்கள். ஆஸ்திரேலியாவில் தண்ணீர் மிகவும் விலைமதிப்பற்ற வளமாகும்.

இவ்வளவு பெரிய நாடாக இருப்பதால், ஆஸ்திரேலியாவில் மிகவும் வேறுபட்ட காலநிலைகளைக் கொண்ட பகுதிகள் உள்ளன. ஆஸ்திரேலியாவின் வடக்கில் வெப்பமண்டலப் பகுதிகளும் நடுவில் பாலைவனங்களும் உள்ளன. தெற்கில், மலைப் பனியுடன் கூடிய குளிர்ந்த குளிர்காலத்திலிருந்து கோடையில் வறண்ட வெப்ப அலைகள் வரை வெப்பநிலை மாறலாம்.

ஆறு மாநிலங்களுக்கும் இரண்டு பிரதான நிலப்பரப்பு ஆட்சிப் பகுதிகளுக்கும் மேலாக, ஆஸ்திரேலிய அரசாங்கம் பின்வரும் ஆட்சிப் பகுதிகளையும் நிர்வகிக்கிறது:

• ஆஷ்மோர் மற்றும் கார்டியர் தீவுகள் (Ashmore and Cartier Islands)

• கிறிஸ்மஸ் தீவு (Christmas Island)

• கோகோஸ் (கீலிங்) தீவுகள் (the Cocos (Keeling) Islands)

• ஜெர்விஸ் பே ஆட்சிப் பகுதி (Jervis Bay Territory)

• பவளக்கடல் தீவுகள் (the Coral Sea Islands)

• ஆஸ்திரேலிய அண்டார்டிக் ஆட்சிப் பகுதியில் உள்ள ஹேர்ட் தீவு மற்றும் மெக்டொனால்ட் தீவுகள் (Heard Island and McDonald Islands in the Australian Antarctic Territory)

• நார்ஃபோக் தீவு (Norfolk Island).