ஆண்டின் ஆஸ்திரேலியர் (Australian of the Year)

1960 முதல், ஆஸ்திரேலியன் ஆஃப் தி இயர் விருதுகள் முன்னணி ஆஸ்திரேலியர்களின் சாதனையையும் பங்களிப்பையும் கொண்டாடி வருகின்றன. எந்தத் துறையைச் சேர்ந்த ஒரு ஆஸ்திரேலியரையும் இந்த விருதுக்கு யார் வேண்டுமானாலும் பரிந்துரைக்கலாம்.

ஆஸ்திரேலியன்ஸ் ஆஃப் தி இயர் என்பவர்கள் தங்கள் பணியில் சிறந்து விளங்கி நாட்டிற்குச் சேவை செய்தவர்கள். சிறந்த ஆஸ்திரேலியாவை உருவாக்குவதற்கு நமது சொந்தப் பங்களிப்பைச் செய்ய அவர்கள் நமக்கு உத்வேகம் அளித்து நம்மைச் சவால் விடுகிறார்கள்.

இந்த விருதுகளில் யங் ஆஸ்திரேலியன் ஆஃப் தி இயர், சீனியர் ஆஸ்திரேலியன் ஆஃப் தி இயர் மற்றும் ஆஸ்திரேலியாஸ் லோக்கல் ஹீரோ ஆகியவை அடங்கும்.

தற்போதைய மற்றும் முந்தைய விருது பெற்றவர்களின் பட்டியல் www.australianoftheyear.org.au இல் கிடைக்கிறது.

டாக்டர் ஜேம்ஸ் மியூக்கே AM (Dr James Muecke AM)

கண் அறுவை சிகிச்சை நிபுணர் மற்றும் பார்வையிழப்புத் தடுப்பு முன்னோடி 2020 ஆஸ்திரேலியன் ஆஃப் தி இயர்

டாக்டர் மியூக்கே, Sight For All என்ற தொண்டு நிறுவனத்தின் இணை-நிறுவனர் ஆவார்; ஆய்வு, கல்வி, உள்கட்டமைப்பு மற்றும் கூட்டாளி நாடுகளில் சக மருத்துவர்களுக்குப் பயிற்சி அளித்தல் ஆகியவற்றின் மூலம் பார்வையிழப்பை ஒழிப்பதை அது நோக்கமாகக் கொண்டுள்ளது.

பார்வையிழப்பு ஒரு மனித உரிமைப் பிரச்சினை என்று டாக்டர் மியூக்கே நம்புகிறார், மேலும் அனைவரும் பார்க்கக்கூடிய ஓர் உலகை உருவாக்கப் பணியாற்றி வருகிறார்.

பேராசிரியர் மைக்கேல் சிம்மன்ஸ் (Professor Michelle Simmons) (பிறப்பு 1967)

குவாண்டம் இயற்பியல் பேராசிரியர் 2018 ஆஸ்திரேலியன் ஆஃப் தி இயர்

பேராசிரியர் சிம்மன்ஸ் அணு மின்னணுவியல் மற்றும் குவாண்டம் கணினியியலில் ஒரு முன்னோடி ஆவார். அவர் "கணினி யுகத்தின் விண்வெளிப் பந்தயம்" என்று அழைப்பதன் முன்னணியில் இருந்து, ஆயிரக்கணக்கான ஆண்டுகள் எடுக்கக்கூடிய பிரச்சினைகளை நிமிடங்களில் தீர்க்கக்கூடிய ஒரு குவாண்டம் கணினியை உருவாக்குவதை அவர் நோக்கமாகக் கொண்டுள்ளார். அத்தகைய கண்டுபிடிப்பு மருந்து வடிவமைப்பு, வானிலை முன்னறிவிப்பு, தானியங்கி வாகனங்கள், செயற்கை நுண்ணறிவு மற்றும் பலவற்றில் புரட்சியை ஏற்படுத்தும் ஆற்றல் கொண்டது.

2018 இல், குவாண்டம் தகவல் அறிவியலுக்கான தனது பணிக்காகவும் அர்ப்பணிப்புக்காகவும் பேராசிரியர் சிம்மன்ஸ் ஆஸ்திரேலியன் ஆஃப் தி இயர் ஆக அறிவிக்கப்பட்டார். 2019 இல், "குவாண்டம் மற்றும் அணு மின்னணுவியலில் ஒரு தலைவராகவும் ஒரு முன்மாதிரியாகவும் அறிவியல் கல்விக்குச் செய்த சிறப்பான சேவையை" அங்கீகரித்து அவர் ஆர்டர் ஆஃப் ஆஸ்திரேலியாவின் அதிகாரியாக (Officer of the Order of Australia) நியமிக்கப்பட்டார்.