ਆਸਟ੍ਰੇਲੀਆਈ ਲੋਕ

ਆਸਟ੍ਰੇਲੀਆ ਦੁਨੀਆ ਦੇ ਸਭ ਤੋਂ ਵੰਨ-ਸੁਵੰਨੇ ਸਮਾਜਾਂ ਵਿੱਚੋਂ ਇੱਕ ਹੈ। ਲਗਭਗ ਤਿੰਨ ਫ਼ੀਸਦੀ ਆਬਾਦੀ ਆਪਣੇ ਆਪ ਨੂੰ Aboriginal ਅਤੇ/ਜਾਂ Torres Strait Islander ਵਜੋਂ ਪਛਾਣਦੀ ਹੈ। ਆਸਟ੍ਰੇਲੀਆ ਦੇ ਇੱਕ ਚੌਥਾਈ ਤੋਂ ਵੱਧ ਵਸਨੀਕ ਵਿਦੇਸ਼ ਵਿੱਚ ਪੈਦਾ ਹੋਏ ਸਨ ਅਤੇ 200 ਤੋਂ ਵੱਧ ਦੇਸ਼ਾਂ ਤੋਂ ਆ ਕੇ ਵਸੇ ਹਨ। ਆਬਾਦੀ ਦੀ ਇਹ ਵੰਨ-ਸੁਵੰਨਤਾ ਆਸਟ੍ਰੇਲੀਆ ਨੂੰ ਭਾਸ਼ਾਵਾਂ, ਵਿਸ਼ਵਾਸਾਂ, ਰਵਾਇਤਾਂ ਅਤੇ ਸੱਭਿਆਚਾਰਾਂ ਦੀ ਭਰਪੂਰ ਵੰਨਗੀ ਦਿੰਦੀ ਹੈ।

ਰਾਸ਼ਟਰਮੰਡਲ (the Commonwealth of Nations) ਦੇ ਮੈਂਬਰ ਵਜੋਂ, ਆਸਟ੍ਰੇਲੀਆ ਦੇ ਯੂਨਾਈਟਿਡ ਕਿੰਗਡਮ ਨਾਲ ਹੁਣ ਵੀ ਨੇੜਲੇ ਸੰਬੰਧ ਹਨ।

ਆਸਟ੍ਰੇਲੀਆਈ ਲੋਕ ਆਸਟ੍ਰੇਲੀਆਈ ਨਾਗਰਿਕਤਾ ਉੱਤੇ ਮਾਣ ਕਰਦੇ ਹਨ, ਜੋ ਸਾਡੇ ਵੰਨ-ਸੁਵੰਨੇ ਸਮਾਜ ਵਿੱਚ ਇੱਕ ਅਹਿਮ ਏਕਤਾ ਦਾ ਬੰਧਨ ਹੈ। ਆਸਟ੍ਰੇਲੀਅਨ ਸਿਟੀਜ਼ਨਸ਼ਿਪ ਡੇ (Australian Citizenship Day) ਹਰ ਸਾਲ 17 September ਨੂੰ ਮਨਾਇਆ ਜਾਂਦਾ ਹੈ। ਇਹ ਸਾਰੇ ਆਸਟ੍ਰੇਲੀਆਈ ਨਾਗਰਿਕਾਂ ਲਈ ਉਹ ਦਿਨ ਹੈ ਜਦੋਂ ਉਹ ਆਪਣਾ ਦੇਸ਼ ਬਣਾਉਣ ਅਤੇ ਉਸ ਦਾ ਭਵਿੱਖ ਘੜਨ ਵਿੱਚ ਆਪਣੀ ਭੂਮਿਕਾ ਬਾਰੇ ਸੋਚਦੇ ਹਨ।