ਆਸਟ੍ਰੇਲੀਆ ਦੀ ਆਰਥਿਕਤਾ

ਆਸਟ੍ਰੇਲੀਆ ਦੀ ਆਰਥਿਕਤਾ ਸਥਿਰ ਅਤੇ ਮੁਕਾਬਲੇਬਾਜ਼ ਹੈ, ਅਤੇ ਇਹ ਆਪਣੀ ਜੋਸ਼ੀਲੀ ਤੇ ਹੁਨਰਮੰਦ ਕਿਰਤ-ਸ਼ਕਤੀ ਦੀ ਕਦਰ ਕਰਦਾ ਹੈ। ਆਸਟ੍ਰੇਲੀਆ ਵਿੱਚ ਲੋਕਾਂ ਦੇ ਜੀਵਨ ਦੀ ਗੁਣਵੱਤਾ ਦੁਨੀਆ ਵਿੱਚ ਸਭ ਤੋਂ ਉੱਚੀਆਂ ਵਿੱਚੋਂ ਇੱਕ ਹੈ।

ਡਿਕ ਸਮਿੱਥ (Dick Smith) (ਜਨਮ 1944)

ਡਿਕ ਸਮਿੱਥ ਇੱਕ ਆਸਟ੍ਰੇਲੀਆਈ ਵਪਾਰੀ, ਸਾਹਸੀ ਅਤੇ ਪਰਉਪਕਾਰੀ ਹੈ। ਉਸ ਨੇ ਆਪਣੇ ਇਲੈਕਟ੍ਰਾਨਿਕਸ ਕਾਰੋਬਾਰ ਤੋਂ ਦੌਲਤ ਕਮਾਈ ਅਤੇ ਆਪਣੀ ਦੌਲਤ ਆਸਟ੍ਰੇਲੀਆ ਨੂੰ ਅੱਗੇ ਵਧਾਉਣ ਲਈ ਵਰਤੀ। ਉਸ ਨੇ ਸਿਰਫ਼ ਆਸਟ੍ਰੇਲੀਆਈ ਖਾਣ-ਪੀਣ ਦੀ ਕੰਪਨੀ ਸ਼ੁਰੂ ਕੀਤੀ ਅਤੇ ਕੰਪਨੀਆਂ ਨੂੰ ਆਸਟ੍ਰੇਲੀਆਈ ਮਾਲਕੀ ਹੇਠ ਰੱਖਣ ਲਈ ਲੱਖਾਂ ਡਾਲਰ ਨਿਵੇਸ਼ ਕੀਤੇ।

ਉਸ ਨੂੰ 1986 ਵਿੱਚ ਆਸਟ੍ਰੇਲੀਅਨ ਆਫ਼ ਦ ਈਅਰ (Australian of the Year) ਚੁਣਿਆ ਗਿਆ ਅਤੇ ਉਸ ਨੇ ਤਕਨੀਕੀ ਤਰੱਕੀ ਅਤੇ ਵਾਤਾਵਰਣ ਦੀ ਸੰਭਾਲ ਲਈ ਇਨਾਮ ਜਿੱਤਿਆ। ਉਹ ਗਰਮ ਹਵਾ ਦੇ ਗੁਬਾਰੇ ਵਿੱਚ ਆਸਟ੍ਰੇਲੀਆ ਅਤੇ ਟੈਸਮਨ ਸਾਗਰ (the Tasman Sea) ਪਾਰ ਕਰਨ ਵਾਲਾ ਪਹਿਲਾ ਵਿਅਕਤੀ ਸੀ। ਉਹ ਆਪਣੀ ਸਾਹਸੀ ਭਾਵਨਾ, ਕਾਰੋਬਾਰ ਵਿੱਚ ਸਫ਼ਲਤਾ ਅਤੇ ਦੇਸ਼-ਭਗਤੀ ਲਈ ਜਾਣਿਆ ਜਾਂਦਾ ਹੈ।