ਆਸਟ੍ਰੇਲੀਆਈ ਮੁਦਰਾ

ਸਾਡੀ ਕਰੰਸੀ ਉੱਤੇ ਬਣੇ ਚਿੱਤਰ ਉਨ੍ਹਾਂ ਲੋਕਾਂ ਅਤੇ ਨਿਸ਼ਾਨਾਂ ਨੂੰ ਦਰਸਾਉਂਦੇ ਹਨ ਜੋ ਆਸਟ੍ਰੇਲੀਆ ਲਈ ਅਹਿਮ ਹਨ।

ਸਾਡੀ ਕਰੰਸੀ ਉੱਤੇ ਦਿਖਾਉਣ ਲਈ ਚੁਣੇ ਗਏ ਲੋਕ ਉਹ ਹਨ ਜਿਨ੍ਹਾਂ ਨੇ ਸਮਾਜਿਕ ਸੁਧਾਰ, ਵਿਗਿਆਨ, ਰਾਜਨੀਤੀ, ਫ਼ੌਜੀ ਪ੍ਰਾਪਤੀ ਅਤੇ ਕਲਾ ਦੇ ਖੇਤਰਾਂ ਵਿੱਚ ਪਹਿਲਕਦਮੀ ਅਤੇ ਵੱਡੀ ਪ੍ਰਤਿਭਾ ਵਿਖਾਈ।

ਮਹਾਰਾਣੀ ਐਲਿਜ਼ਾਬੈੱਥ II (Queen Elizabeth II) (1926–2022)

ਮਹਾਰਾਣੀ ਐਲਿਜ਼ਾਬੈੱਥ II ਆਸਟ੍ਰੇਲੀਆ ਦੀ ਰਾਜ ਮੁਖੀ (Head of State) ਸੀ। ਉਹ ਆਸਟ੍ਰੇਲੀਆ ਅਤੇ ਯੂਨਾਈਟਿਡ ਕਿੰਗਡਮ ਦੀ ਮਹਾਰਾਣੀ ਸੀ। ਆਪਣੇ ਲੰਮੇ ਅਤੇ ਹਰਮਨਪਿਆਰੇ ਰਾਜ ਦੌਰਾਨ ਉਹ ਇੱਕ ਮਜ਼ਬੂਤ, ਸਥਿਰ ਹਸਤੀ ਰਹੀ।

ਪਾਰਲੀਮੈਂਟ ਹਾਊਸ (Parliament House) ਅਤੇ ਫ਼ੋਰਕੋਰਟ ਮੋਜ਼ੇਕ (Forecourt Mosaic)

ਪਾਰਲੀਮੈਂਟ ਹਾਊਸ ਦਾ ਰੇਖਾ-ਚਿੱਤਰ ਡਿਜ਼ਾਈਨ ਡਿਵੈਲਪਮੈਂਟ ਲੈਂਡਸਕੇਪ ਪਲਾਨ 'ਤੇ ਆਧਾਰਿਤ ਸੀ, ਜੋ ਪਾਰਲੀਮੈਂਟ ਹਾਊਸ ਕੰਸਟ੍ਰਕਸ਼ਨ ਅਥਾਰਟੀ ਵੱਲੋਂ ਦਿੱਤਾ ਗਿਆ ਸੀ। ਫ਼ੋਰਕੋਰਟ ਮੋਜ਼ੇਕ ਮਾਈਕਲ ਨੈਲਸਨ ਜਾਗਾਮਾਰਾ (Michael Nelson Jagamara) ਦੀ ਸੈਂਟਰਲ ਡੈਜ਼ਰਟ ਬਿੰਦੂ-ਸ਼ੈਲੀ ਦੀ ਪੇਂਟਿੰਗ 'ਪੌਸਮ ਐਂਡ ਵਾਲਬੀ ਡ੍ਰੀਮਿੰਗ' ('Possum and Wallaby Dreaming') 'ਤੇ ਆਧਾਰਿਤ ਹੈ।

ਡੇਮ ਮੈਰੀ ਗਿਲਮੋਰ (Dame Mary Gilmore) (1865–1962)

ਡੇਮ ਮੈਰੀ ਗਿਲਮੋਰ ਇੱਕ ਲੇਖਿਕਾ, ਪੱਤਰਕਾਰ, ਕਵਿੱਤਰੀ ਅਤੇ ਸਮਾਜਿਕ ਸੁਧਾਰ ਦੀ ਹਮਾਇਤੀ ਸੀ। ਉਸ ਨੂੰ ਉਸ ਦੀ ਲਿਖਤ ਲਈ ਅਤੇ ਔਰਤਾਂ, ਗ਼ਰੀਬ ਲੋਕਾਂ, ਅਤੇ ਐਬੋਰਿਜਿਨਲ ਤੇ ਟੌਰੇਸ ਸਟਰੇਟ ਆਈਲੈਂਡਰ ਲੋਕਾਂ ਵੱਲੋਂ ਆਵਾਜ਼ ਚੁੱਕਣ ਲਈ ਯਾਦ ਕੀਤਾ ਜਾਂਦਾ ਹੈ।

AB 'ਬੈਂਜੋ' ਪੈਟਰਸਨ (AB 'Banjo' Paterson) (1864–1941)

ਐਂਡਰਿਊ ਬਾਰਟਨ ਪੈਟਰਸਨ (Andrew Barton Paterson) ਇੱਕ ਕਵੀ, ਗੀਤਕਾਰ ਅਤੇ ਪੱਤਰਕਾਰ ਸੀ। ਉਹ 'ਬੈਂਜੋ' ਪੈਟਰਸਨ ਦੇ ਨਾਂ ਹੇਠ ਲਿਖਦਾ ਸੀ ਅਤੇ ਉਸ ਨੂੰ ਖ਼ਾਸ ਕਰਕੇ ਆਸਟ੍ਰੇਲੀਆ ਦੇ ਸਭ ਤੋਂ ਮਸ਼ਹੂਰ ਲੋਕ-ਗੀਤ 'ਵਾਲਟਜ਼ਿੰਗ ਮਟਿਲਡਾ' ('Waltzing Matilda') ਦੇ ਬੋਲ ਲਿਖਣ ਲਈ ਯਾਦ ਕੀਤਾ ਜਾਂਦਾ ਹੈ।

ਰੈਵਰੈਂਡ ਜੌਨ ਫਲਿਨ (Reverend John Flynn) (1880–1951)

ਰੈਵਰੈਂਡ ਜੌਨ ਫਲਿਨ ਨੇ ਦੁਨੀਆ ਦੀ ਪਹਿਲੀ ਹਵਾਈ ਡਾਕਟਰੀ ਸੇਵਾ, ਰੌਇਲ ਫਲਾਇੰਗ ਡਾਕਟਰ ਸਰਵਿਸ ਆਫ ਆਸਟ੍ਰੇਲੀਆ, ਸ਼ੁਰੂ ਕੀਤੀ। ਉਸ ਨੂੰ ਆਸਟ੍ਰੇਲੀਆ ਦੇ ਦੂਰ-ਦੁਰਾਡੇ ਇਲਾਕਿਆਂ ਵਿੱਚ ਸਿਹਤ ਸੇਵਾਵਾਂ ਪਹੁੰਚਾ ਕੇ ਕਈ ਜਾਨਾਂ ਬਚਾਉਣ ਲਈ ਯਾਦ ਕੀਤਾ ਜਾਂਦਾ ਹੈ।

ਮੈਰੀ ਰੀਬੀ (Mary Reibey) (1777–1855)

ਮੈਰੀ ਰੀਬੀ ਨਿਊ ਸਾਊਥ ਵੇਲਜ਼ ਦੀ ਬਸਤੀ ਵਿੱਚ ਇੱਕ ਮੋਢੀ ਕਾਰੋਬਾਰੀ ਔਰਤ ਸੀ। ਨਾਬਾਲਗ ਕੈਦੀ ਵਸਨੀਕ ਵਜੋਂ ਆਸਟ੍ਰੇਲੀਆ ਪਹੁੰਚਣ ਤੋਂ ਬਾਅਦ, ਉਹ ਭਾਈਚਾਰੇ ਵਿੱਚ ਇੱਕ ਸਤਿਕਾਰੀ ਜਾਂਦੀ ਆਗੂ ਬਣੀ।

ਐਡਿਥ ਕਾਊਨ (Edith Cowan) (1861–1932)

ਐਡਿਥ ਕਾਊਨ ਇੱਕ ਸਮਾਜ ਸੇਵਿਕਾ, ਸਿਆਸਤਦਾਨ ਅਤੇ ਨਾਰੀਵਾਦੀ ਸੀ। ਉਹ ਕਿਸੇ ਵੀ ਆਸਟ੍ਰੇਲੀਅਨ ਸੰਸਦ ਲਈ ਚੁਣੀ ਜਾਣ ਵਾਲੀ ਪਹਿਲੀ ਔਰਤ ਸੀ।

ਡੇਵਿਡ ਯੂਨਾਈਪਨ (David Unaipon) (1872–1967)

ਡੇਵਿਡ ਯੂਨਾਈਪਨ ਇੱਕ ਲੇਖਕ, ਭਾਸ਼ਣਕਾਰ ਅਤੇ ਕਾਢਕਾਰ ਸੀ। ਉਸ ਨੂੰ ਵਿਗਿਆਨ ਅਤੇ ਸਾਹਿਤ ਵਿੱਚ ਉਸ ਦੇ ਯੋਗਦਾਨ ਲਈ, ਅਤੇ ਐਬੋਰਿਜਿਨਲ ਤੇ ਟੌਰੇਸ ਸਟਰੇਟ ਆਈਲੈਂਡਰ ਲੋਕਾਂ ਦੇ ਹਾਲਾਤ ਸੁਧਾਰਨ ਲਈ ਯਾਦ ਕੀਤਾ ਜਾਂਦਾ ਹੈ।

ਸਰ ਜੌਨ ਮੋਨਾਸ਼ (Sir John Monash) (1865–1931)

ਸਰ ਜੌਨ ਮੋਨਾਸ਼ ਇੱਕ ਇੰਜੀਨੀਅਰ, ਪ੍ਰਬੰਧਕ ਅਤੇ ਆਸਟ੍ਰੇਲੀਆ ਦੇ ਸਭ ਤੋਂ ਮਹਾਨ ਫ਼ੌਜੀ ਕਮਾਂਡਰਾਂ ਵਿੱਚੋਂ ਇੱਕ ਸੀ। ਉਸ ਨੂੰ ਉਸ ਦੀ ਅਗਵਾਈ, ਸੂਝ ਅਤੇ ਬੋਲਣ ਦੀ ਕਲਾ ਲਈ ਯਾਦ ਕੀਤਾ ਜਾਂਦਾ ਹੈ।

ਡੇਮ ਨੈਲੀ ਮੈਲਬਾ (Dame Nellie Melba) (1861–1931)

ਡੇਮ ਨੈਲੀ ਮੈਲਬਾ ਦੁਨੀਆ ਪ੍ਰਸਿੱਧ ਸੋਪਰਾਨੋ ਗਾਇਕਾ ਸੀ। ਦੁਨੀਆ ਭਰ ਵਿੱਚ 'ਗੀਤ ਦੀ ਮਹਾਰਾਣੀ' ('Queen of Song') ਵਜੋਂ ਜਾਣੀ ਜਾਂਦੀ, ਉਹ ਕੌਮਾਂਤਰੀ ਪੱਧਰ 'ਤੇ ਮਸ਼ਹੂਰ ਹੋਣ ਵਾਲੀ ਪਹਿਲੀ ਆਸਟ੍ਰੇਲੀਅਨ ਗਾਇਕਾ ਸੀ।