चोरिएका पुस्ताहरूप्रति राष्ट्रिय क्षमायाचना (The National Apology to the Stolen Generations) (2008)

13 February 2008 मा अस्ट्रेलियाका प्रधानमन्त्रीले सबै अस्ट्रेलियालीको तर्फबाट बोल्दै अस्ट्रेलियाली संसदमा 'चोरिएका पुस्ता'प्रति राष्ट्रिय क्षमायाचना गरे। प्रधानमन्त्रीले विगतमा आदिवासी तथा टोरेस स्ट्रेट टापु जनजातिसँग गरिएको व्यवहारका लागि, र विशेषगरी आदिवासी तथा टोरेस स्ट्रेट टापु जनजातिका बालबालिकालाई उनीहरूका आमाबाबुबाट खोसिएकोमा माफी मागे।

यो भाषण टेलिभिजन र रेडियोहरूमा प्रसारण गरियो। हजारौं अस्ट्रेलियाली सार्वजनिक स्थल र कार्यस्थलहरूमा भेला भई 'क्षमा' ('Sorry') भाषण सुने। भाषणले विगतका अन्यायहरूलाई औपचारिक रूपमा सूचीबद्ध गर्दै क्षमा माग्यो। यो आदिवासी तथा टोरेस स्ट्रेट टापु जनजातिको घाउ निको पार्ने र यस्ता अन्याय फेरि कहिल्यै नदोहोरिने सुनिश्चित गर्ने दिशामा महत्त्वपूर्ण कदम थियो। 'क्षमा' भाषण सबै अस्ट्रेलियालीका लागि अगाडि बढ्ने महत्त्वपूर्ण कदम थियो।

आज, अस्ट्रेलियाली पहिचानमा आदिवासी तथा टोरेस स्ट्रेट टापु जनजातिको अमूल्य योगदानलाई व्यापक रूपमा स्वीकार र सम्मान गरिन्छ। धेरै आदिवासी तथा टोरेस स्ट्रेट टापु जनजातिका मानिसहरू न्याय प्रणाली, राजनीति, कला र खेलकुदलगायत अस्ट्रेलियाली समाजभरि अग्रणी पदमा छन्।