1901 को आप्रवासन प्रतिबन्ध ऐन (the 1901 Immigration Restrictions Act)

December 1901 मा इमिग्रेसन रेस्ट्रिक्सन्स ऐन पारित भएपछि 'गोरा अस्ट्रेलिया' (White Australia) नीति कानुन बन्यो। यसले आप्रवासीहरूलाई अस्ट्रेलियामा काम गर्नबाट रोक्यो र 'गैर-गोरा' मानिसहरूको आप्रवासनमा प्रतिबन्ध लगायो।

गैर-युरोपेली पृष्ठभूमि भएका मानिसहरूले कुनै युरोपेली भाषामा 50 शब्दको श्रुतिलेखन परीक्षा दिनुपर्थ्यो। चिनियाँ चेम्बर अफ कमर्सका सदस्यहरू, ब्यारिस्टर विलियम आ केट र प्रमुख चिनियाँ व्यापारीहरूले सार्वजनिक विरोध गरे, तर यसले यो कानुन बदल्न सकेन।

भर्खरै महासङ्घ बनेको अस्ट्रेलियामा युरोपबाट आएका आप्रवासीहरू प्रमुख थिए। तर चिनियाँ, भारतीय, प्रशान्त द्वीपवासी र मध्यपूर्वका जनताको सांस्कृतिक योगदान पहिले नै अस्ट्रेलियाको सामाजिक पहिचानको हिस्सा भइसकेको थियो।

डोरोथिया म्याकेलर (1885–1968)

डोरोथिया म्याकेलर एक कवि हुन्, जो 1908 मा पहिलो पटक प्रकाशित आफ्नो कविता My Country का लागि सबैभन्दा बढी चिनिन्छिन्, जसले 'I love a sunburnt country' भन्ने हरफलाई अमर बनायो। उनको कवितालाई विशुद्ध बुश कविता मानिन्छ, जुन उत्तर-पश्चिम न्यु साउथ वेल्सको गनेडा नजिकै उनका दाजुभाइका खेतमा बिताएको अनुभवबाट प्रेरित थियो।

1968 मा अस्ट्रेलियाली साहित्यमा योगदानका लागि डोरोथियालाई अफिसर अफ द अर्डर अफ द ब्रिटिस एम्पायर नियुक्त गरियो।