अस्ट्रेलियाली जनता

अस्ट्रेलिया विश्वका सबैभन्दा विविध समाजहरूमध्ये एक हो। जनसंख्याको करिब तीन प्रतिशतले आफूलाई Aboriginal र/वा Torres Strait Islander भनी चिनाउँछन्। अस्ट्रेलियाका एक चौथाइभन्दा बढी बासिन्दा विदेशमा जन्मेका हुन्, जो 200 भन्दा बढी देशबाट बसाइँ सरेर आएका हुन्। जनसंख्याको यो विविधताले अस्ट्रेलियालाई भाषा, विश्वास, परम्परा र संस्कृतिको समृद्ध विविधता दिन्छ।

राष्ट्रहरूको राष्ट्रमण्डल (the Commonwealth of Nations) को सदस्यको रूपमा, अस्ट्रेलियाको बेलायत (United Kingdom) सँग अझै घनिष्ठ सम्बन्ध छ।

अस्ट्रेलियाली जनता अस्ट्रेलियाली नागरिकतामा गर्व गर्छन्, जुन हाम्रो विविधतापूर्ण समाजमा एक महत्त्वपूर्ण एकताको बन्धन हो। अस्ट्रेलियाली नागरिकता दिवस हरेक वर्ष 17 September मा मनाइन्छ। यो सबै अस्ट्रेलियाली नागरिकहरूका लागि हाम्रो राष्ट्र निर्माण र देशको भविष्य आकार दिनमा हामीले खेल्ने भूमिकाबारे मनन गर्ने दिन हो।