अस्ट्रेलियाको अर्थतन्त्र

अस्ट्रेलियाको अर्थतन्त्र स्थिर र प्रतिस्पर्धी छ, र यसले आफ्नो जीवन्त तथा दक्ष कार्यशक्तिलाई महत्त्व दिन्छ। अस्ट्रेलियामा मानिसहरूले उपभोग गर्ने जीवनस्तर विश्वमै उच्चमध्ये एक हो।

डिक स्मिथ (Dick Smith) (जन्म 1944)

डिक स्मिथ एक अस्ट्रेलियाली व्यवसायी, साहसिक यात्री र परोपकारी हुन्। उनले आफ्नो इलेक्ट्रोनिक्स व्यवसायबाट सम्पत्ति कमाए र त्यो सम्पत्ति अस्ट्रेलियाको उन्नतिका लागि प्रयोग गरे। उनले अस्ट्रेलियाली उत्पादन मात्र बेच्ने खाद्य कम्पनी सुरु गरे र कम्पनीहरू अस्ट्रेलियाली स्वामित्वमा राख्न मद्दत गर्न लाखौं डलर लगानी गरेका छन्।

उनी 1986 मा Australian of the Year घोषित भए र प्राविधिक उन्नति तथा वातावरण संरक्षणका लागि पुरस्कार जितेका छन्। तातो हावाको बेलुनमा अस्ट्रेलिया र ट्यास्मान सागर (Tasman Sea) पार गर्ने उनी पहिलो व्यक्ति थिए। उनी आफ्नो साहसी भावना, व्यवसायमा सफलता र देशभक्तिका लागि परिचित छन्।