अन्तर्राष्ट्रिय सहायता र मानवीय प्रयासहरू

अस्ट्रेलियाली सरकारको अन्तर्राष्ट्रिय सहायता कार्यक्रमले विकासोन्मुख देशहरूलाई गरिबी घटाउन र दिगो विकास हासिल गर्न सहयोग गर्छ। यो सहयोग जनता र सरकारहरूलाई सहायता गरेर यस क्षेत्रमा र विश्वभर उपलब्ध गराइन्छ।

हाम्रो देशमा वा विदेशमा विपद् आउँदा अस्ट्रेलियालीहरूले अत्यन्तै उदारता देखाउँछन्। निरन्तर पीडा भोगिरहेका देशहरूलाई पनि हामी व्यक्तिगत दान र अस्ट्रेलियाको सहायता कार्यक्रमबाट नियमित रूपमा सहयोग गर्छौं।

2018 मा, डा. रिचर्ड ह्यारिस (Dr Richard Harris) र डा. क्रेग च्यालेन (Dr Craig Challen) लाई थाइल्यान्डको बाढी पसेको गुफा प्रणालीबाट 12 किशोर र उनीहरूका फुटबल प्रशिक्षकको उद्धारमा गरेको प्रयासका लागि अस्ट्रेलियाको दोस्रो सर्वोच्च वीरता पदक, Star of Courage, सँगै Medal of the Order of Australia (OAM) प्रदान गरियो।