اسٹولن جنریشنز (the Stolen Generations) سے قومی معافی (2008)

13 فروری 2008 کو آسٹریلوی وزیرِ اعظم نے تمام آسٹریلویوں کی جانب سے بولتے ہوئے آسٹریلوی پارلیمنٹ میں ’چُرائی گئی نسلوں‘ سے قومی معافی مانگی۔ وزیرِ اعظم نے ماضی میں ایبوریجنل اور ٹورس اسٹریٹ آئی لینڈر عوام کے ساتھ ہونے والے سلوک پر، اور خاص طور پر ایبوریجنل اور ٹورس اسٹریٹ آئی لینڈر بچوں کو ان کے والدین سے چھین لیے جانے پر معافی مانگی۔

یہ تقریر ٹیلی ویژن اور ریڈیو اسٹیشنوں پر نشر کی گئی۔ ہزاروں آسٹریلوی عوامی مقامات اور اپنی کام کی جگہوں پر ’سوری‘ تقریر سننے کے لیے جمع ہوئے۔ تقریر میں ماضی کی ناانصافیوں کو باقاعدہ طور پر گنوایا گیا اور ان پر معافی مانگی گئی۔ یہ ایبوریجنل اور ٹورس اسٹریٹ آئی لینڈر عوام کے زخموں کے مندمل ہونے اور اس بات کو یقینی بنانے کی طرف ایک اہم قدم تھا کہ یہ ناانصافیاں دوبارہ کبھی نہ ہوں۔ ’سوری‘ تقریر تمام آسٹریلویوں کے لیے آگے بڑھنے کا ایک اہم قدم تھی۔

آج آسٹریلوی شناخت میں ایبوریجنل اور ٹورس اسٹریٹ آئی لینڈر عوام کے انمول حصے کو بڑے پیمانے پر تسلیم کیا جاتا اور سراہا جاتا ہے۔ بہت سے ایبوریجنل اور ٹورس اسٹریٹ آئی لینڈر افراد آسٹریلوی معاشرے میں نمایاں عہدوں پر فائز ہیں، جن میں نظامِ انصاف، سیاست، فنون اور کھیل شامل ہیں۔