Ang School of the Air

Hanggang sa dekada 1950, ang mga batang naninirahan sa liblib na lugar ay kailangang mag-aral sa boarding school o tapusin ang kanilang mga aralin sa pamamagitan ng koreo (larawan sa itaas). Napagtanto ni Adelaide Miethke, Pangalawang Pangulo ng Royal Flying Doctor Service sa South Australia, na ang serbisyong radyo ng Flying Doctor ay makakatulong din sa mga batang nasa bahay upang makausap ang kanilang mga guro. Nagsimulang mag-ere ng two-way na mga aralin ang serbisyo sa Alice Springs noong 1948. Pormal na itinatag ang School of the Air makalipas ang ilang taon. Nakatulong ang karanasan ng Australia sa maraming ibang bansa upang magtatag ng sarili nilang katulad na mga programa.

Ang lumang pedal radio ay pinalitan ng mga high-frequency na radio receiver at ngayon ay pinalitan na ng internet. Patuloy na naglilingkod at nagdudulot ng pakinabang ang Royal Flying Doctor Service of Australia at ang School of the Air sa mga tao sa malalayong pamayanan ng Australia.