स्कुल अफ द एयर (the School of the Air)

1950 को दशकसम्म, एक्लिएका ठाउँमा बस्ने बालबालिकाले बोर्डिङ स्कुल जानुपर्थ्यो वा हुलाकबाट आफ्नो पाठ पूरा गर्नुपर्थ्यो (माथि चित्रमा देखाइएको)। दक्षिण अस्ट्रेलियाको रोयल फ्लाइङ डक्टर सर्भिसकी उपाध्यक्ष एडलेड मिथ्के (Adelaide Miethke) ले बुझिन् कि फ्लाइङ डक्टरको रेडियो सेवाले घरमै रहेका बालबालिकालाई शिक्षकसँग कुरा गर्न पनि मद्दत गर्न सक्छ। एलिस स्प्रिङ्सको सेवाले 1948 मा दुई-तर्फी पाठ प्रसारण गर्न थाल्यो। स्कुल अफ द एयर केही वर्षपछि औपचारिक रूपमा स्थापना भयो। अस्ट्रेलियाको अनुभवले अन्य धेरै देशलाई आफ्नै उस्तै कार्यक्रम सुरु गर्न मद्दत गरेको छ।

पुरानो प्याडल रेडियोको ठाउँमा उच्च-आवृत्तिका रेडियो रिसिभर आए र अहिले त्यसको ठाउँ इन्टरनेटले लिएको छ। अस्ट्रेलियाको रोयल फ्लाइङ डक्टर सर्भिस र स्कुल अफ द एयरले अस्ट्रेलियाका टाढाका समुदायका मानिसहरूलाई सेवा र लाभ दिइरहेका छन्।